UEFA azərbaycanlı hakimlərə təyinat verib. Apasport.az saytının məlumatına görə, FİFA referisi Rəhim Həsənov Gənclər Liqasının “Saburtalo” (Gürcüstan) – “Mityulland” (Danimarka) oyununun baş hakimi olacaq.

Bu oyun oktyabrın 21-də, Tiflisdə keçiriləcək. Həsənova Akif Əmirəli və Namiq Hüseynov kömək edəcəklər.

Digər FİFA hakimi Orxan Məmmədov və köməkçisi Yaşar Abbasov isə 17 yaşadək futbolçular arasında Avropa çempionatının seçmə mərhələsinin 5-ci qrupuna təyinat alıblar. Onlar oktyabrın 23-dən 30-dək Lüksemburqda təşkil olunacaq qrup matçlarında ədaləti qoruyacaq. Bu qrupda meydan sahibləri ilə yanaşı, Avstriya, Serbiya və Litva yığmaları da mübarizə aparacaq.

• “Fənərbaxça” transfer qadağasının səbəbini açıqladı
• “Fənərbaxça”ya FIFA-dan 3 transfer dövrü qadağası
• Günün canlı yayımlanacaq matçları - TV AFİŞA
• Genduzinin cəzası azaldıldı – “Aston Villa”ya qarşı oynayacaq
• Braziliya Avstraliya ilə bacarmayıb