Braziliyada keçirilən dünya çempionatının oyunları zamanı hakimlər tərəfindən istifadə olunan “sprey”dən daha geniş miqyasda istifadə olunacaq. Apasport.az saytının məlumatına görə, standart vəziyyətlər zamanı “canlı sədd”in dayanacağı yeri işarələyən vasitə UEFA-nın da xoşuna gəlib.
Artıq “sprey”dən yararlanacağı açıqlanan bir neçə Avropa ölkəsinin ardından qitə miqyaslı turnirlərdə də yenilik tətbiq olunacaq. Artıq 2015/16 mövsümündən Çempionlar Liqası və Avropa Liqası matçlarında hakimlərə “sprey” veriləcək. Bu isə o deməkdir ki, yarışa qatılan Azərbaycan klublarının da yeniliyi görə biləcək.
Bunu özü itən maddəni icad edən Qeyne Aleman açıqlayıb: “Artıq UEFA ilə məsələni razılaşdırmışıq. Qurum öz turnirlərində “sprey”dən istifadə edəcək”.
Qeyd edək ki, bir qab “sprey”in qiyməti 3 funt sterlinqə (4 manat 2 qəpik) yaxındır.
Oxşar xəbərlər
Ana səhifə
Bütün xəbərlər