Serbiyada keçirilən futzal üzrə Avropa çempionatının final mərhələsi başa çatıb. Apasport.az saytının məlumatına görə, UEFA fevralın 2-13-də təşkil olunan yarışın rekordları siyahısını açıqlayıb.

Yarışı 1/4 finalda Rusiyaya 2:6 hesabı ilə uduzaraq dayandıran Azərbaycan futzalçıları turnirdə iki rekorda imza atıb.

Belə ki, ölkəmizin ən titullu klubu olan “Araz” AVRO-2016-da hamıdan çox – 10 oyunçu ilə təmsil olunub. Rekordçu olan Naxçıvan təmsilçisi Qazaxıstan “Kayrat”ı və Ukrayna “Lokomotiv”ini qabaqlayır – 9 futzalçı.

Bundan başqa, yığmamız daha bir rekorda şərik olub. Komandamız turnirin ən məhsuldar matçının iştirakçısıdı. Tino Peresin yetirmələri Çexiyanı 6:5 hesabı ilə məğlub edib. 11 qolun vurulduğu qarşılaşma AVRO-2016-nın rekord məhsuldarlığı kimi tarixə düşüb.

Qeyd edək ki, Avropa çempionu tituluna finalda Rusiyanı 7:3 hesabı ilə məğlub edən İspaniya yiyələnib. III yer uğrunda matçda isə Qazaxıstan Serbiyanı 5:2 hesabı ilə üstələyib.

• Yoxlama matçı: "Qalatasaray" 0:3-dən geri döndü
• İngiltərə Futbol Assosiasiyasından “Mançester Siti” açıqlaması: “Lazım gələrsə, tədbir görəcəyik”
• “Qalatasaray”da Lemina sevinci – Komanda ilə məşqlərə başladı
• Vitinya: “Jorje Jezuşun işi artıq nəticə verir”
• Leao Ronaldonun “7” nömrəsindən danışdı: “O, uşaqlıq kumirimdir”