Polşanın “Yagelloniya” klubunun sabiq futbolçusu Dani Kuintananı heyətinə qaytarmaq istəyi baş tutmayıb. Apasport.az saytının məlumatına görə, ispaniyalı futbolçunun qayıdışına Azərbaycandan aldığı təklif mane olub.
Peşəkar karyerasına “Valensiya”da başlayan 28 yaşlı hücumameylli yarımmüdafiəçi çıxış etdiyi Səudiyyə Ərəbistanının “Əl-Əhli” klubunda heyətə düşməkdə çətinlik çəkir. Bu üzdən özünə yeni komanda axtarışında olan Kuintana icarə əsasında Polşa təmsilçisinə keçməyə yaxın olub. Onun 2013-14-cü illərdə oynadığı kluba qayıdışı gerçəkləşmək üzə olduğu vaxtda Azərbaycandan təklif alıb.
Adı açıqlanmayan təmsilçimiz yarımmüdafiəçini Polşaya dönmək fikrindən daşındırıb. Hazırda məxsus olduğu klubla danışıqlar aparan ispaniyalı gələcək karyerasını tam aydınlıq gətirməyə çalışır.
Qeyd edək ki, Dani Polşada başlayan legioner karyerasınadək İspaniyanın aşağı dəstə təmsilçilərinin formasını geyib. Yarımmüdafiəçi ilk peşəkar klubu olan “Valensiya”da isə yalnız B komandasının formasını geyib.
Oxşar xəbərlər
Ana səhifə
Bütün xəbərlər