Kosta-Rika Futbol Federasiyasının hədəfi bəlli olub. Apasport.az saytının məlumatına görə, 17 yaşadək qızlar arasında dünya çempionatına ev sahibliyi edən Mərkəzi Amerika ölkəsi yarışın rekordunu vurmaq iddiasındadır.

Belə ki, kosta-rikalılar tamaşaçı sayında ən yüksək göstəricini hədəfləyib. Bunun üçün isə mundiallar tarixinin Azərbaycanda gerçəkləşən rekordu yenilənməlidir. 2012-ci ildə ölkəmizdə təşkil olunan yarışda qeydə alınan göstərici Kosta-Rikanın da arzusudur.

Artıq federasiya rəhbərliyi yerli futbolsevərlərə müraciət də edib. Burada azarkeşlərdən rekord üçün 3-cü yer uğrunda oyun və finala gəlmələri xahiş olunur: “Azərbaycanda keçirilən çempionatın oyunlarını rekord sayda – 257 min tamaşaçı izləmişdi. Bizdə isə bu rəqəm artıq 227 mindir. Final oyunlarında 35 minlik stadionumuzu doldursaq, mütləq rekordçu olacağıq. Bütün kosta-rikalıları matçlara dəvət edirik”.

• PSJ-də müqavilə yağışı
• UEFA-dan “Fənərbaxça” futbolçularına cəza - “Roma”matçında iştirak edə biləcək
• “Beşiktaş”dan yeni transfer
• “Fənərbaxça”da ayrılıq - RƏSMİ
• Talişka BƏƏ klubunda - RƏSMİ