Avropa Liqasının I təsnifat mərhələsində Bakı “İnter”i ilə qarşılaşacaq Moldova “Tiraspol”u paytaxt təmsilçisinin üzvləri üçün yad deyil. Apasport.az saytının məlumatına görə, “bankirlər”in 2 üzvü avrokuboklarda bu rəqibə qarşı oynayıb.
2006/07 mövsümündə İntertoto kubokunda tiraspollularla üz-üzə gələn digər komandamız – “MKT-Araz”ın formasını geyən Asif Məmmədovla Arif Daşdəmirov 8 ildən sonra qisas almağa çalışacaq.
Çünki həmin vaxt İmişlidə 1:0 hesabı ilə qalib gələn təmsilçimiz səfərdə 2 cavabsız qol buraxmışdı. Hər iki oyunçu da həmin matçların iştirakçısı olmuşdu. Təmsilçimizin yeganə qolu isə Marçel Reşitkanın hesabındadır.
Ümumiyyətlə də zəif Moldova klubları təmsilçilərimiz üçün kabusa çevrilib. İndiyədək avrokuboklarda 5 dəfə yolları kəsişən iki ölkə təmsilçilərinin duellərində həmişə moldovalılar sevinib.
Komandalarımız 1 dəfə əlavə vaxt, 1 dəfə penaltilər seriyası, 1 dəfə səfər qolu ilə məğlub olub. Yalnız iki dəfə moldovalılar 180 dəqiqədə təmiz qələbə qazanmağı bacarıb. Ümumilikdə isə bizimkilər 1, moldovalılar 4 qələbə qazanıb. Digər 5 qarşılaşmada qalib müəyyənləşməyib. Top fərqində də rəqiblərimiz üstündür – 8:11.
UEFA kuboku
2005/06. “Nistru” – “Xəzər Lənkəran” – 3:1, 2:1
2006/07. “Zimbru” – “Qarabağ” – 1:1, 2:1 (əlavə avxtda)
İntertoto kuboku
2006/07. “MKT-Araz” – “Tiraspol” – 1:0, 0:2
2007/08. “Bakı” - “Daçiya” – 1:1, 1:1, pen. 1:3
Avropa Liqası
2010/11. “Olimpiya” – “Xəzər Lənkəran” – 0:0, 1:1
Oxşar xəbərlər
Ana səhifə
Bütün xəbərlər
Hesabım