İspaniya millisinin hücumçusu David Vilya karyerasında yeni səhifə açıb. Apasport.az saytının məlumatına görə, bir neçə gün öncə “Nyu-York Siti” ilə müqavilə bağlayan futbolçu indi də Avstraliyanın “Melbrun Siti” klubu ilə müqaviləyə imza atıb.

“Atletiko Madrid”lə yollarını ayıraraq ABŞ-a yollanan Vilyanın təxminən 10 ay ərzində nə işlə məşğul olacağı çoxlarını düşündürürdü. Məsələ ondadır ki, ABŞ-da çempionat gələn ilin martında başlayacaq. Vilya bu boşluğu doldurmaq üçün yol tapıb. 32 yaşlı futbolçu 3 ay ərzində icarə əsasında Avstraliyanın “Melburn Siti” klubunun şərəfini qoruyacaq.

Qeyd edək ki, həm “Nyu-York Siti”, həm də “Melburn Siti” klublarının səhmlərinin nəzarət paketi “Mançester Siti” klubuna məxsusdur.

• Emre Belözoğlu “Antalyaspor”da
• Kvaratsxeliya rəsmən PSJ-də
• "Hatayspor"da yeni baş məşqçi
• Mahirin komanda yoldaşı karyerasını İngiltərədə davam etdirə bilər
• Dünən gəldi, bu gün zədələndi: Türk klubunda şanssızlıq