“Qalatasaray”ın hücumçusu Didye Droqba “Çelsi” ilə oyun öncəsi jurnalistlərə açıqlama verib. Apasport.az saytının məlumatına görə, hücumçu yenidən Londonda olmaqdan xoşbəxt olduğunu vurğulayıb.

Droqba bildirib ki, tanıdığı simaları görmək onun üçün son dərəcə xoşdur: “Keçmiş komandama qarşı oynamaq çətindir. Keçmiş tərəfdarlarımı və komanda yoldaşlarımı görmək xoşdur. Amma mən professionalam və “Qalatasaray”ın şərəfini qoruyuram. Oğlum da bu gün “Qalatasaray”ın tərəfini tutacaq. Təbii ki, oyunda qalib gəlmək istəyirəm və komandam üçün çalışacağam”.

Droqba qol vursa sevinməyəcəyini bildirib: “Amma qalib gəlsək, xoşbəxt olaram. Ümid edirəm ki, səfər oyunlarında qalib gələ bilməmək xəstəliyindən qurtularıq. Amma bərabərlik də bizə bəs edə bilər”.

“Qalatasaray”da xoşbəxt olduğunu vurğulayan ulduz futbolçu “Çelsi” matçından qalib ayrılmaq istəyir: “Burada xoşbəxtəm və “Çelsi”yə qarşı ən yaxşı futbolumu göstərmək istəyirəm”.

• Çağlar Söyüncünün yeni klubu bəlli oldu – “Çorum”la razılaşdı
• “Başakşehir” – “Qalatasaray” matçına avstriyalı VAR hakimi
• “Fənərbaxça”dan müdafiəyə yeni həmlə – Adil Demirbağ üçün rəsmi təklif
• “Roma” Ostervolde "dəftərini bağlamayıb" – Yanvarı gözləyirlər
• “Bordo” həvəskar liqaya düşürüldü – Klub qərardan şikayət edəcək