“Xəzər Lənkəran” tarixində 600-cü qolu vurub. Apasport.az saytının məlumatına görə, bu top Topaz Premyer Liqasının IV turunun “İnter”lə qarşılaşmasına təsadüf edib.

Oyunda cənubluların yeganə qoluna imza atan Elnur Abdullayev klub tarixində 600-cü topun müəllifi kimi fərqlənib. 2004-cü ildə yaranan komanda 600-cü qolunu 393-cü matçında vurub. Bu qollardan 444-ü Premyer Liqada, 127-si Azərbaycan kuboku, 14-ü avrokuboklar, 13-ü Birlik kubokunda, 2-si də Superkubokda qeydə alınıb.

2004/05 mövsümündə çempionata təsadüf edən “Şəfa” üzərində texniki qələbə (3:0), həmçinin 2005/06 mövsümünün kubokunda “MKT-Araz”la nəticəsi ləğv olunan oyunlar və penalti seriyaları nəzər alınmamaqla artıq 600 dəfə fərqlənən “Xəzər Lənkəran”ın son matçı 1:0 hesabı başa çatıb.

Qeyd edək ki, bundan əvvəlki yubiley qolu 341 gün əvvəl vurulmuşdu. Ötən il sentyabrın 22-də AZAL-ın qapısına yol tapan Junior Nildo 550-ci topun müəllifi kimi tarixə düşmüşdü.

Bu top Elnurun “ağ-yaşıllar”ın heyətində 11-ci qolu olub. Bununla da yarımmüdafiəçi Emeka Opara, Adrian Skarlatake və Junior Osvaldoya çatıb. Bu 4 oyunçu klubun ən yaxşı bombardirləri siyahısında 17-20-ci yerləri bölürlər. Bu siyahıya isə 44 dəfə fərqlənən Zaur Ramazanov başçılıq edir.

1 - yubiley qolu, 2 –müəllifi (legionerlər üçün vətəndaşlığı), 3- turnir, 4 – rəqib, 5- meydan, 6 – hesab, 7 – tarix, 8- yubiley qolun dəqiqəsi.

• "Siti"nin hücumçusu Səudiyyə Ərəbistanı klubunda
• Rafael Leao: “Qalatasaray” böyük klubdur”
• Sabiq “Qalatasaray”lı Braziliyada çıxış edəcək
• Aziz Yıldırım Prezident İlham Əliyevlə görüşüb - FOTO
• Əlcəzair millisində yeni baş məşqçi