Azərbaycanlı qapıçı Emil Balayevin komandası “Ayntraxt” Birləşmiş Ərəb Əmirliklərindəki (BƏƏ) təlim-məşq toplanışını başa çatdırıb. Apasport.az saytı Almaniya mətbuatına istinadən xəbər verir ki, Frankfurt təmsilçisi toplanışın son günündə yoxlama oyunu keçirib.

“Ayntraxt” BƏƏ-də hazırlıq keçən Bundesliqanın digər təmsilçisi “Borussiya” ilə qarşılaşıb. Oyun Armin Fenin komandasının böyükhesablı məğlubiyyəti ilə yekunlaşıb. Belə ki, “Borussiya” “Ayntraxt”ın qapısından 4 cavabsız top keçirib.

Emil Balayev bu oyunda iştirak etməyib. Toplanışa qatılan həmyerlimizi məşqçilər korpusu ehtiyatda saxlayıblar.

Bununla da, “Ayntraxt” Əbu-Dabi toplanışını başa çatdıraraq, Almaniyaya qayıdıb.

• A Seriyasında ayın ən yaxşı oyunçusu bəlli olub
• Nasser çağırdı, 138 üzv səs verdi: Dursun Özbek idarə heyətinə seçildi
• Sanço qərarını verdi – Yeni klub üçün qışa qədər gözləyəcək
• 15 klub razılaşsa, “Mançester Siti” Premyer Liqadan gedəcək
• Sanki Ronaldonun gedişini gözləyirdilər – “7 nömrə” Leaoya verildi