FİFA Braziliya yığmasının hücumçusu Neymarın zədələnməsinə görə “Barselona” futbol klubuna kompensasiya ödəyəcək. Apasport.az saytının məlumatına görə, braziliyalı hücumçunun iş qabiliyyətini itirməsi FİFA-ya 238 min avroya başa gələcək.
Neymar iyulun 4-də Kolumbiya ilə 1/4 final matçı zamanı zədələnib. Onu meydandan xərəkdə çıxarıblar və sonradan onurğasının sındığı məlum olub. Həkimlərin proqnozuna görə, Neymar 40-45 gün ərzində sağalacaq.
Təsdiq olunmuş qaydalara görə, oyunçu ondan asılı olmayan səbəblər ucbatından 28 gün işsiz qalanda, kompensasiya ödənilməyə başlanılır. Beləliklə, Neymara görə kompensasiyanın ödənilməsi avqustun 2-dən başlanacaq. Braziliyalının “Barselona” ilə müqaviləsi ildə 5,1 milyon avro alacağını nəzərdə tutduğundan, FİFA hər gün üçün Kataloniya klubuna 13 min 972 avro ödəyəcək. Yekun məbləğ Neymarın sağalma müddətindən asılıdır.
Oxşar xəbərlər
Ana səhifə
Bütün xəbərlər