Futbolçumuz oynadı, komandası qrupda qaldı

13.02.2014 - 00:43

Ötən gün Türkiyə kubokunda qrup mərhələsinin son oyunları keçirilib. Apasport.az saytının məlumatına görə, Azərbaycan millisinin hücumçusu Cihan Özkaranın şərəfini qoruduğu “Sivasspor” A qrupu çərçivəsində 6-cı matçına çıxıb.

“Yiğidolar” səfərdə “Əskişəhərspor”la üz-üzə gəlib. Meydandan 1:0 hesabı ilə məğlub ayrılan Roberto Karlosun komandası qrup mərhələsini sonuncu olaraq tamamlayıb və yarımfinala vəsiqə qazana bilməyib.

Özkara isə bu matçda start heyəti ilə meydana çıxıb. O, oyunun 63-cü dəqiqəsində Aydın Karabulutla əvəzlənib.