“Qəbələ” milli komandaların oyunları ilə əlaqədar olaraq yaranacaq fasilədə 2 yoxlama matçında gücünü sınamağı planlaşdırıb. Apasport.az saytının klubdan əldə etdiyi məlumata görə, “qırmızı-qaralar”ın ilk matçı oktyabrın 7 və ya 8-də olacaq.

Dorinel Muntyanunun yetirmələri ikinci yoxlama matçını oktyabrın 12-də keçirəcək. Komandanın rəqiblərindən biri əvəzedici komanda olacaq. İkinci rəqibin isə qonşu Gürcüstandan çağırılması gözlənilir. Bu variant alınmasa, “Qəbələ” gücünü I dəstə klublarımızdan biri ilə sınayacaq.

Qeyd edək ki, “Qəbələ” Topaz Premyer Liqasının VII turunun son oyununda “Xəzər Lənkəran”la ev görüşünə çıxacaq. Bu qarşılaşma sentyabrın 28-i saat 19:00-da başlayacaq. 

• Çempionlar Liqası matçları bu kanallarda - TV AFİŞA
• Türkiyə klubunda ayrılıq - RƏSMİ
• “Fənər”də ayrılıq: RUSİYAYA YOLLANDI
• Mbappedən “Qızıl top” açıqlaması – “Səsimi özümə verərdim”
• Vaynaldum “Əl-İttihad”a keçib - RƏSMİ