Hollandiya yığması Avropa çempionatının final mərhələsindən kənarda qalmaq təhlükəsi ilə üzləşib. Apasport.az saytının məlumatına görə, bununla “narıncılar”ın 32 illik uğurlu seriyası qırıla bilər.

Avro-2016-nın seçmə mərhələsi çərçivəsində Türkiyə millisinə böyük hesabla (0:3) məğlub olan Danni Blindin yetirmələri sona 2 tur qalmış qrupda 4-cü pilləyə yuvarlanıb. İslandiya və Çexiya yığmaları artıq final mərhələsinə vəsiqəni təmin etdiklərindən, hollandlar yalnız pley-offda oynamaq hüququ verən 3-cü pilləyə ümid edə bilərlər. Həmin yerdə qərarlaşan Türkiyə yığması isə “narıncılar”ı 2 xal qabaqlayır.

Əgər hollandlar final mərhələsinə yollana bilməsələr, 32 ildən sonra ilk dəfə azarkeşlərini məyus edəcəklər. Belə ki, bu yığma sonuncu dəfə 1984-cü ildə Avropa çempionatının final mərhələsindən kənarda qalıb.

Qeyd edək ki, Hollandiya millisi sonuncu dəfə böyük turniri 2002-ci ildə buraxıb. Həmin vaxt Lui van Qalın rəhbərlik etdiyi komanda dünya çempionatının final mərhələsindən kənarda qalmışdı.

• Almaniya millisində iki ciddi itki – Musiala və Haverts sıradan çıxdı
• Serdal Adalıdan “Qalatasaray”a atmaca: "Allah onlara səbir versin"
• Burak Yılmaz Superliqaya qayıtdı – “Çorum”un yeni baş məşqçisi oldu
• Roberto Karlos Ronaldoya “10 il” verdi – “Nə vaxt istəsə, onda da gedəcək”
• Türkiyə - Fransa matçı bu kanalda - TV AFİŞA