Fil Dişi Sahili millisinin sabiq müdafiəçisi Stiv Qohuri dünyasını dəyişib. Onun cəsədi Reyn çayının sahilində tapılıb. Apasport.az saytının məlumatına görə, Stiv sonuncu dəfə şərəfini qoruduğu "Steynbax"ın yeni il şənliyində görülüb.

Bundan sonra ondan heç bir xəbər almayan ailəsi polisə müraciət edib. Nəhayət, Reyn çayının sahilində tapılan cəsədin Stivə aid olduğu müəyyənləşib.

Cəsədin üzərində heç bir zorakılıq əlaməti aşkarlanmayıb. Qohurinin narkotika aludəçisi olduğu və intihar etdiyi deyilir.

Xatırladaq ki, 34 yaşlı mərhum futbolçu karyerası ərzində "Makkabi" (Təl-Əviv), "Yanq Boyz", "Uiqan" və "Borussiya" (Münhenqladbax) kimi klubların şərəfini qoruyub.

O, 2015-ci ildən etibarən Almaniyanın həvəskar klubu "Steynbax"la anlaşmışdı. Qohuri Fil Dişi Sahili millisində 13 oyunda meydana çıxmışdı.

• Türkiyə futbolunda qalmaqal böyüyür – TFF-dən MHK açıqlaması
• "Sabah" "Qarabağ"ı "Dalğa Arena"da qəbul edəcək
• Braziliyadan Avstraliyaya 4 qol – Ançelottinin komandasından geridönüş
• Avropa nəhəngləri “Porto”nun müdafiəçisi uğrunda mübarizəyə qoşuldu – 65 milyon avro
• Türkiyə futbolunda şok dalğası – MHK sədri Ferhat Gündoğdu saxlanıldı