Rusiya millisinin baş məşqçisi Fabio Kapello yığmadakı işini davam etdirəcək. Apasport.az saytının məlumatına görə, bu barədə italiyalı mütəxəssis şəxsən açıqlama verib.

Kapello dünya çempionatındakı çıxışları barədə də danışıb: “Mənim məqsədim qrupdan çıxmaq idi. Mən 1/4 final barədə danışmamışam. Biz dünya çempionatına gözlənilməz nəticə göstərə biləcək komanda kimi getmişdik. Əgər mən buradayamsa, deməli, yığmadakı işimi davam etdirirəm. Bu artıq həll edilib. Mənə həm Rusiya Futbol İttifaqı, həm də İdman Nazirliyi etibar edir. Əgər mənə etibar etməsələr, istefaya gedəcəyəm. Narahat olmayın”.

Qeyd edək ki, Kapellonun Rusiya yığması ilə müqaviləsi 2018-ci ilə qədər qüvvədədir.

• Dadaşov oynamadı, komandası növbəti tura yüksəldi
• “Mançester Yunayted” yeni baş məşqçi ilə anlaşıb
• “Qızıl top”un sahibi: "Bir gün vətənə qayıdıb, orada yenidən oynaya biləcəm"
• Mario Balotelli İtaliya klubunda - Rəsmi
• Rodri Ronaldodan sonra ikinci oldu