Bakının “İnter” klubu qış fasiləsində ilk transferini reallaşdırıb. Apasport.az saytının məlumatına görə, paytaxt təmsilçisi Kosta-Rika yığmasının yarımmüdafiəçisi Dieqo Madriqalla anlaşıb.

25 yaşlı futbolçu ilə 2 illik müqavilə imzalanacaq.

Son klubu “Saprissa” olan cənubi amerikalı vətənində UKR (2008-10), “Erediano” (2010 və 2011-12) və “Santos” (2012) klublarında çıxış edib. Paraqvayda legioner həyatı yaşamış Dieqo 2011-ci ildə “Serro Poteno”nun şərəfini qoruyub. 2013-cü ildən “Saprissa”da çıxış edən Madriqal Kosta-Rika yığmasında 11 oyuna 1 qol vurub.

Qeyd edək ki, dünən “İnter”in düşərgəsində tibbi müayinədən keçən Dieqo Azərbaycana gələn 3-cü kosta-rikalıdır. Onadək ölkəmizdə Uinston Parks və Rendal Brenes də çıxış edib.

• Kevin Danso “Sanderlend”ə keçib
• Seneqal millisinin üzvü “Yuventus”da - RƏSMİ
• “Arsenal”dan “Dortmund”a
• “Liverpul”un yarımmüdafiəçisi İspaniya klubunda
• Dieqo Karlos rəsmən “Parma”da