21 yaşadək futbolçulardan ibarət Azərbaycan milli komandası baş məşqçisi Bernard Lippertə yubiley bəxş edib. Apasport.az saytının məlumatına görə, AVRO-2015-in seçmə mərhələsinin ötən gün İsraillə keçirilən oyununda qazanılan qələbə almaniyalı üçün 5-ci olub.
Belə ki, komandadan ayrılacağını açıqlayan Lippert 5-ci qələbə sevincini son ev oyununda yaşayıb. Bu qarşılaşma onun U-21-də 26-cı matçı kimi tarixə düşüb. Əvvəlki 25 matçda almaniyalı 4 qələbə, 5 heç-heçə və 16 məğlubiyyət görüb. Onun yetirmələri 24 qol vurub, 53-nü buraxıb. Bütün bu göstəricilər yalnız seçmə oyunlarına aiddir.
Ümumilikdə isə İsraillə oyun seçmə mərhələlərdə yığmamızın keçirdiyi 81-ci matç olub. Hesabında cəmi 9 qələbə və 13 heç-heçə olan millimiz 59 dəfə uduzub. Bu qarşılaşmalarda futbolçularımız 43 top vurub, öz qapısından 188-ni buraxıb.
Oxşar xəbərlər
Ana səhifə
Bütün xəbərlər