Mahir Şükürov da şüşələri sındırdı

09.02.2014 - 18:25

Topaz Premyer Liqasının XX turunda “Xəzər Lənkəran”la görüşdə qələbənin son saniyələrdə əldən verilməsi “Neftçi” klubunun futbolçusu Mahir Şükürovu özündən çıxarıb. Apasport.az saytının xəbərinə görə, əsəblərinə hakim ola bilməyən “ağ-qaralar”ın müdafiəçisi meydandan paltardəyişmə otağına gedən yoldakı qapının şüşələrini sındırıb.

Qeyd edək ki, oyun 2:2 hesabı ilə başa çatıb. Qarşılaşmadan bir gün öncə isə lənkəranlı azarkeşlərdən biri “Neftçi”yə məxsus avtobusun şüşəsini sındırmışdı.