Futbol üzrə Topaz Premyer Liqasında son turun bütün qarşılaşmaları 1 dəqiqlik sükutla başlayacaq. Apasport.az saytının xəbərinə görə, bu barədə Peşəkar Futbol Liqasının prezidenti (PFL) Ramin Musayev məlumat verib.
Musayev bu addımı Türkiyənin Manisa şəhərindəki Soma bölgəsində baş vermiş faciəvi hadisə ilə əlaqədar atdıqlarını açıqlayıb: "Türkiyədə baş verən faciəyə biganə qala bilməzdik. Biz də türkük, türkün faciəsi – bizm faciəmizdir. Ona görə də qərara aldıq ki, matçlara 1 dəqiqəlik sükutla başlayaq”.
PFL prezident bildirib ki, son turda "Qarabağ” və "İnter”ə qızıl və gümüş medalların verilməsi nəzərdə tutulduğundan, qara sarğı ilə mərasimin keçirilməsi düzgün olmazdı: "Lakin bütün qarşılaşmalar 1 dəqiqəlik sükutla başlayacaq”.
Qeyd edək ki, ötən gecə Türkiyənin Manisa şəhərinin Soma bölgəsində mədən qəzası nəticəsində partlayış baş verib və nəticədə 300-dək insan həlak olub (sportnet.az).
Oxşar xəbərlər
Ana səhifə
Bütün xəbərlər