Azərbaycan millisi tarixində ikinci dəfə avqustun 20-də meydana çıxacaq. Apasport.az saytının məlumatına görə, həmin gün Özbəkistanla yoldaşlıq oyununda qüvvəsini sınayacaq yığmamız indiyədək yalnız bir dəfə həmin tarixdə rəsmi matç keçirib.

Bu da 6 il əvvələ təsadüf edib.

Almaniyalı baş məşqçi Berti Foqtsun yetirmələri həmin vaxt İslandiya ilə qarşılaşıb. Reykyavikdəki görüşdə qalib müəyyənləşməyib – 1:1.

Qarşıdakı görüş Asiya təmsilçisi üçün isə avqustun 20-dəki 3-cü görüş olacaq. Belə ki, özbəkistanlılar 2003-cü ildə Latviya, 2008-ci ildə isə Omanla qarşılaşıb. 11 il əvvəl 3 cavabsız qolla darmadağın olan asiyalılar ikinci cəhddə 2:0 hesabı ilə qalib gəlib.

• "Siti"nin hücumçusu Səudiyyə Ərəbistanı klubunda
• Rafael Leao: “Qalatasaray” böyük klubdur”
• Sabiq “Qalatasaray”lı Braziliyada çıxış edəcək
• Aziz Yıldırım Prezident İlham Əliyevlə görüşüb - FOTO
• Əlcəzair millisində yeni baş məşqçi