19 yaşadək qızlardan ibarət yığmamız Soçidə təşkil olunan ənənəvi “Kuban baharı” turnirinin qrup mərhələsində bu gün son oyununu keçirib. Apasport.az saytının məlumatına görə, B qrupunda mübarizə aparan komandamız özü kimi xalsız olan Rumıniya millisi ilə görüşüb.

Qələbə qazanacağı halda yarışın 1/4 final mərhələsinə qatılmaq şansı əldə edəcək millimiz bu tapşırığın öhdəsindən gələ bilməyib. Belə ki, Patrisiya Qonsalesin yetirmələri 33, 35 və 63-cü dəqiqələrdə buraxdığı qollarla qrup sonuncusu olmasını rəsmiləşdirib.

İndi millimiz turnirin 9-12-ci pillələri uğrunda mübarizəyə qatılacaq. Ancaq komandamızın rəqibi günün son matçlarından sonra müəyyənləşəcək.


AZƏRBAYCAN – Rumıniya - 0:3
Qollar: Batya, 33; Voyku, 35; 63 - penalti

B qrupu

Qeyd edək ki, millimiz qrupun digər görüşlərində İsrailə 0:1 və meydan sahibi olan Rusiyaya 0:3 hesabı ilə məğlub olub.