Millimizin hücumçusu Dmitri Nazarovun çıxış etdiyi Almaniyanın “Karlsrue” klubu 2-ci bundesliqada III turun oyununa çıxıb. Apasport.az saytının məlumatına görə, rəqib yığmamızın digər oyunçusu Tuğrul Eratın şərəfini qoruduğu “Fortuna” olub.

Düsseldorfda keçən qarşılaşmada “Karlsrue” yenə uduzmayıb. Belə ki, qonaqlar 2:0 hesabı ilə qalib gəlib. Nazarov meydana 87-ci dəqiqədə daxil olub. O, 66-cı dəqiqədə komandasının 2-ci qolunu vurmuş qanaəsilli mərkəz yarımmüdafiəçisi Raynhold Yabonu əvəzləyib.

Qeyd edək ki, “Karlsrue” turnir cədvəlində 7 xalla II sıradadır. Bu komanda yalnız top fərqinə görə lider “Leyptsiq”dən geri qalır. Qələbəsi olmayan “Fortuna” isə 2 xalla XV pillədədir. 

• "Siti"nin hücumçusu Səudiyyə Ərəbistanı klubunda
• Rafael Leao: “Qalatasaray” böyük klubdur”
• Sabiq “Qalatasaray”lı Braziliyada çıxış edəcək
• Aziz Yıldırım Prezident İlham Əliyevlə görüşüb - FOTO
• Əlcəzair millisində yeni baş məşqçi