Millimizin rəqibi kimi gözləyir?

26.08.2014 - 17:22

21 yaşadək futbolçulardan ibarət Azərbaycan millisinin Avropa çempionatının seçmə mərhələsindəki son rəqibi Portuqaliya yığmasının heyətini açıqlayacağı vaxt müəyyənləşib. Apasport.az saytının məlumatına görə, pireneylilərin baş məşqçisi Rui Jorje heyəti avqustun 29-da açıqlayacaq.

Buna səbəb çalışdırıcı əsas komandanın baş məşqçisi Paulu Bentunun seçimini gözləməsidir. Jorje həmkarının bəzi gənc futbolçuları əsas komandaya çağırıb-çağırmaması dəqiqləşdikdən bu addımı atacaq.

Qeyd edək ki, seçmə mərhələnin 6 oyununda qazandığı 6 qələbə ilə öz qrupuna liderik edən Portuqaliya millisi sentyabrın 4-də səfərdə Norveç, 9-da öz meydanında Azərbaycanla qarşılaşacaq.