Sabah futzal üzrə Avropa çempionatının final mərhələsi start götürür. Apasport.az saytının məlumatına görə, Belçikada keçiriləcək qitə birinciliyində Avropanın 12 ən güclü komandası mübarizə aparacaq.

Ardıcıl 3-cü dəfə mükafatlar uğrunda mübarizəyə qoşulacaq Azərbaycan millisi C qrupunda yer alıb və  1/4 finala vəsiqə uğrunda İtaliya və Sloveniya ilə münasibətlərini ayırd edəcək. 2010-cu ildə yarımfinaladək irəliləyən, 2 il əvvəl isə qrupda qalan millimiz bu dəfə də ən azı 1/4 final iddiasındadır.

Final mərhələlərində qələbəyə həsrət Sloveniyanı arxada qoymaq çətin olsa da, mümkünsüz deyil. İspaniya və Portuqaliya kimi nəhənglərlə yoxlama oyunlarında xoş təsir bağışlayan balkanlılardan fərqli, İtaliya daha adlı-sanlı rəqibdir. İspaniyanın hegemonluğuna qədər Avropa çempionu olan son komanda məhz apeninlilərdir.

Millimizin işini çətinləşdirən daha bir məqam isə İspaniyanın D qrupunda yer almasıdır. Bu isə o deməkdir ki, millimiz 2-ci yerlə 1/4 final çıxsa, qrup qalibi olacağı şübhə doğurmayan pireneylilərlə üz-üzə gələcək. İlk turdan azad olan millimiz mübarizəyə yanvarın 31-də Sloveniya ilə matçla başlayacaq. Fevralın 2-də İtaliya ilə keçiriləcək qarşılaşma isə həlledici xarakter daşıyacaq.

Qeyd edək ki, Azərbaycan yığması Avropa çempionatlarının final mərhələlərində 7 oyun keçirib. 4 il əvvəl Macarıstanda qrup mərhələsində meydan sahiblərini 3:1, Çexiyanı 6:1 hesabı ilə yenən komandamız 1/4 finala 1-ci yerlə yüksəlmişdi. 1/4 finalda Ukrayna, 1/2 finalda Portuqaliya ilə eyni – 3:3 hesablı heç-heçə edən komandamız penaltilər seriyasında əvvəl qalib gəlib, sonra uduzmuşdu – müvafiq olaraq 4:2 və 3:5. III yer uğrunda görüşdə isə Çexiya qrupdakı məğlubiyyətin əvəzini çıxmışdı – 5:3. Xorvatiyadakı son qitə birinciliyində isə Portuqaliyaya 1:4, Serbiyaya 8:9 hesabı ilə uduzaraq qrupda sonuncu olmuşdu.

Avro-2014, final mərhələsinin təqvimi
A qrupu: Belçika, Ukrayna, Rumıniya

B qrupu: Rusiya, Portuqaliya, Hollandiya

C qrupu: İtaliya, AZƏRBAYCAN, Sloveniya

D qrupu: İspaniya, Çexiya, Xorvatiya

I tur
28 yanvar
A qrupu
00:00. Belçika – Rumıniya

B qrupu
21:30. Rusiya – Hollandiya

29 yanvar
C qrupu
23:45. İtaliya – Sloveniya

D qrupu
21:30. İspaniya – Xorvatiya

II tur
30 yanvar
A qrupu
21:30. Rumıniya – Ukrayna

B qrupu
23:45. Hollandiya – Portuqaliya

31 yanvar
C qrupu
23:45. Sloveniya – AZƏRBAYCAN

D qrupu
21:30. Xorvatiya – Çexiya

III tur
1 fevral
A qrupu
23:45. Ukrayna – Belçika

B qrupu
21:30. Portuqaliya – Rusiya

2 fevral
C qrupu
21:30. AZƏRBAYCAN – İtaliya

D qrupu
23:45. Çexiya – İspaniya

Qrup mərhələsinin oyunları “Lotto Arena”da keçiriləcək.

1/4 final
3 fevral
1. A1 – B2
2. B1 – A2

4 fevral
3. C1 – D2
4. D1 –C2

Yarımfinal
6 fevral
1-ci cütün qalibi – 3-cü cütün qalibi
2-ci cütün qalibi – 4-cü cütün qalibi

3-cü yer uğrunda oyun
8 fevral
Yarımfinalda məğlub olanlar

Final
8 fevral
Yarımfinalda qalib gələnlər

Həlledici mərhələnin oyunları Antverpenin İdman Sarayında keçiriləcək.

Oyunların başlama saatı Bakı vaxtı ilə göstərilib.

Avropa çempionatlarının yarımfinalçıları

* - 2003-cü ildə III yer uğrunda oyun keçirilməyib.

• “Mançester Siti”dən 145 milyon avroluq bomba – 5 illik müqavilə
• "Qalatasaray"dan növbəti transfer: Fransız müdafiəçi
• Kevin Danso “Sanderlend”ə keçib
• Seneqal millisinin üzvü “Yuventus”da - RƏSMİ
• “Arsenal”dan “Dortmund”a