Millimizin üzvü 90 dəqiqə oynadı, komandası darmadağınla sevindi

13.02.2014 - 23:30

Bu gün Türkiyə kubokunun qrup mərhələsinin oyunlarına yekun vurulub. Apasport.az saytının məlumatına görə, Azərbaycan millisinin futbolçusu Əli Gökdəmirin şərəfini qoruduğu “Elazığspor” B qrupu çərçivəsində 6-cı (son) matçına çıxıb.

Okan Burukun yetirmələri doğma azarkeşləri qarşısında 2-ci dəstə təmsilçisi “Tokatspor”la üz-üzə gəliblər. Görüş ev sahibi komandanın 4:1 hesablı qələbəsi ilə başa çatıb.

Bu matçda start heyəti ilə meydana çıxan müdafiəçimiz sona qədər mübarizə aparıb.

Qeyd edək ki, bu böyükhesablı qələbəyə baxmayaraq, qrupu 3-cü yerdə tamamlayan “Elazığspor” növbəti mərhələyə adlaya bilməyib.