Azərbaycan yığmasının üzvü Dmitri Nazarov Almaniyada növbəti matçına çıxıb. Apasport.az saytının məlumatına görə, yarımmüdafiəçinin formasını geyindiyi “Karslrue” II Bundesliqada VIII tur çərçivəsində “Düsseldorf”la üz-üzə gəlib.

Karlsruedə baş tutan görüşdə Nazarov ilk dəqiqələrdən meydançada olub. Millimizin üzvü yalnız 85-ci dəqiqədə Mohamed Quayda ilə əvəzlənib. Buna qədər isə hesab 1:1 idi. Belə ki, qonaqlar 70-ci dəqiqədə Kərəm Dəmirbayın qolu sayəsində hesabı açsalar da, 10 dəqiqə sonra Ervin Hoffer status-kvonu bərpa edib. Qarşılaşma elə 1:1 hesabı ilə də başa çatıb.

Qeyd edək ki, “Karlsrue” 8 turdan sonra 7 xalla turnir cədvəlinin 14-cü pilləsində qərarlaşıb.

• Braziliya Avstraliya ilə bacarmayıb
• Zidan Fransada yeni qadağa qoydu – Bərbərlər bazaya buraxılmayacaq
• Dursun Özbekdən Okan Buruka tam dəstək – “27-ci çempionluğa gedirik”
• Almaniya millisində iki ciddi itki – Musiala və Haverts sıradan çıxdı
• Serdal Adalıdan “Qalatasaray”a atmaca: "Allah onlara səbir versin"