Minsk səfəri yığmamızı geri saldı

23.02.2015 - 12:33

Futzal üzrə milli komandaların reytinq siyahısı açıqlanıb. Apasport.az saytının məlumatına görə, cədvəldə ötən həftə baş tutan qarşılaşmalar da öz əksini tapıb.

Belarus millisi ilə iki yoxlama oyunu keçirən Azərbaycan yığması Minsk səfərinin “bəhrə”sini reytinq siyahısında görüb. İlk oyunda 1:2 hesabı ilə uduzub, ardınca bərabərliyə (2:2) imza atan Faustino Peresin yetirmələri cədvəldə geriləyib.

Son siyahıda 12-ci olan komandamız artıq dünyanın 13-cü komandasıdı. Buna millimizin xal hesabının 1393-dən 1379-a qədər azalması səbəb olub. 14 xallıq azalma 1 pilləlik enişlə nəticələnib. Peresin yetirmələri Paraqvayı özündən önə buraxıb. Belaruslular isə 1 pillə irəliləyib, 23-cü yerə yüksəlib.

Millimiz Avropa yığmaları arasında 7-cidi. AVRO-2016-nın seçmə mərhələsində yığmamızın rəqiblərindən olan Ukrayna dünyada 8-ci, Belçika 29-cu, Danimarka 57-ci yerdədi..

Qeyd edək ki, siyahıda planetin 97 millisi yer alıb. Daha 54 komanda isə son illərdə az oyun keçirdiyindən əlavə cədvələ daxil edilib.

Dünyanın ən güclü 20 millisi

1. İspaniya - 1922

2. Braziliya - 1910

3. Rusiya – 1741

4. İtaliya - 1716

5. Argentina – 1679

6. Portuqaliya - 1618

7. İran - 1611

8. Ukrayna – 1464

9. Çexiya - 1424

10. Kolumbiya - 1415