AFFA İntizam Komitəsi (İK) bu gün keçirdiyi iclasında I dəstənin XVII turunun oyunlarında qeydə alınmış qayda pozuntuları ilə də bağlı qərarlarını açıqlayıb. Apasport.az saytının məlumatına görə, ən çox qaydaların pozulduğu görüş “Araz Naxçıvan” – “Şahdağ” matçı olub.
Belə ki, oyunun 13-cü dəqiqəsində “Araz Naxçıvan”ın gürcüstanlı hücumçusu David Canalidze ilə “Şahdağ”ın müdafiəçisi Vüqar Əlibabayev dalaşıb. Bunun nəticəsində hər 2 oyunçu birbaşa qırmızı vərəqə alıb. İK bu futbolçuları 4 oyunluq cəzalandırıb, onların klublarına isə 400 manat ödəmək öhdəliyi qoyub. Bundan başqa, Qusar təmsilçisinin rusiyalı müdafiəçisi Abdulla Zülfiqarov 80-ci dəqiqədə ikinci sarı vərəqə ilə meydandan qovulduğu üçün 1 matç meydana çıxmamaq cəzası alıb.
Qeyd edək ki, David Canalidzeni ölkəmizə ötən mövsüm Əsgər Abdullayev gətirib. O, “Turan”da çalışarkən gürcü futbolçu Premyer Liqada çıxış edib.
Oxşar xəbərlər
Ana səhifə
Bütün xəbərlər