“Bavariya”nın sabiq çalışdırıcısı Feliks Maqat Bosniya və Herseqovina millisinin “sükanı arxasına” keçə bilər. Apasport.az-ın məlumatına görə, yerli futbol federasiyası bununla bağlı Maqata təklif göndərib.

Təcrübəli mütəxəssis artıq buna reaksiya da verib. O, Bosniya və Herseqovina millisini çalışdırmağa hazır olduğunu deyib: “Bosniyanın böyük istedada malik oyunçuları var. Mən bu komandaya kömək edə bilərəm”.

Əlavə edək ki, Bosniya və Herseqovina millisi AVRO-2016-nın seçmə mərhələsi çərçivəsində yer aldığı B qrupunda cəmi 2 xal toplayıb. İsrailə son məğlubiyyət (0:3) baş məşqçi Safet Susiçin istefaya göndərilməsi ilə nəticələnmişdi.

Qeyd edək ki, Azərbaycan yığmasının yeni baş məşqçisi Robert Prosineçki millimizə keçməmişdən əvvəl bosniyalılardan təklif almış, lakin qəbul etməmişdi.

• “Qalatasaray” 30 milyon avroluq transferi niyə baş tutmayıb?
• “Göztəpə”dən gürcüstanlı qapıçısı ilə bağlı qərar - komandadan ayrı məşq edəcək
• Messi İspaniyada ikinci klubunu almağa hazırlaşır
• “Fənərbaxça” 2 ulduzundan məhrum olacaq – “Roma” ilə oyunu buraxacaqlar
• "Komo"dan nümunəvi addım: Xərçəng diaqnozu qoyulan futbolçusu ilə müqaviləni uzatdı