Millimizin hücumçusu Rüfət Dadaşovun çıxış etdiyi “Kayzerslautern”in 23 yaşadək komandası Regionalliqada XXII turun oyununa çıxıb. Apasport.az saytının məlumatına görə, gənc “qırmızı iblislər” doğma azarkeşləri önündə “Tsvaybrükken” ilə qarşılaşıb.

330 azarkeşin izlədiyi görüşdə hesab açılmayıb. Ötən tur 63-cü dəqiqədə meydana daxil olan Rüfət bu dəfə 65-də qazona ayaq basıb. O, yarımmüdafiəçi olan Kristian Lenşi əvəzləyib.

Qeyd edək ki, ardıcıl 5-ci turdur ki, məğlub olmayan “Kayzerslautern”in II komandası turnir cədvəlində topladığı 37 xalla V pillədəki yerini dəyişməyib.