Azərbaycan yığmasının futbolçusu Ruslan Abışov Rusiyanın “Rubin” klubunun heyətində növbəti matçını keçirib. Apasport.az saytının məlumatına görə, müdafiəçi komandasının Türkiyənin Antalya şəhərindəki təlim-məşq toplanışında keçirdiyi 2-ci yoxlama matçının iştirakçısı olub.

Bolqarıstan çempionu “Ludoqorets”lə matçın fasiləsindən sonra meydana çıxan Abışov ikinci yarıda arxa xətdə yer alıb. Qarşılaşma 1:1 hesabı ilə başa çatıb.

Qeyd edək ki, “Rubin” Türkiyədə keçirdiyi ilk yoxlama oyununda yerli “Ərciyəsspor”a 2:0 hesabı ilə qalib gəlmişdi. Ruslan həmin matça start heyətində başlayaraq, 65-ci dəqiqədə əvəzlənmişdi.

• Kevin Danso “Sanderlend”ə keçib
• Seneqal millisinin üzvü “Yuventus”da - RƏSMİ
• “Arsenal”dan “Dortmund”a
• “Liverpul”un yarımmüdafiəçisi İspaniya klubunda
• Dieqo Karlos rəsmən “Parma”da