Ağayev Kamrandan daha etibarlıdı!

21.08.2014 - 15:55

Bakının “İnter” klubunun formasını geyinən Səlahət Ağayev Azərbaycan milisinin tarixində ən etibarlı qapıçıdı. Apasport.az saytının məlumatına görə, 23 yaşlı əlcək sahibi yığmada ən azı 5 oyun keçirən qapıçılar arasında orta hesabla hamıdan az top buraxıb.

Yığmada keçirdiyi 6-cı oyununu da “quru” keçirən Ağayev bu matçlarda cəmi 1 dəfə məyus olub. Bu isə o deməkdi ki, Səlahət hər qarşılaşmada təxminən 0,17 qola üzülüb.

Səlahətin nəticəsi millimizin rekordudu.

Yığmada 5 və daha çox oyun keçirən 9 qapıçı arasında yalnız 3 futbolçuda bu rəqəm 1-dən aşağıdı. Səlahətdən başqa, Rauf Mehdiyev və Hüseyn Məhəmmədov bununla öyünə bilər.

Millidə ən çox oyun keçirən qapıçı – Özbəkistanla matçda ehtiyatda qalan Kamran Ağayev isə siyahıda 4-cüdü. Lakin onun göstəricisi liderdən təxminən 8 dəfə zəifdi. Ümumilikdə isə ən aşağı göstərici Dmitri Kramarenkoya məxsusdu.

Azərbaycan millisində ən azı 5 oyun keçirən qapıçılar

Yer	qapıçı	oyun	qol	orta
1	Səlahət Ağayev	6	-1	-0.17
2	Rauf Mehdiyev	5	-4	-0.80
3	Hüseyn Məhəmmədov	14	-12	-0.86
4	Kamran Ağayev	47	-66	-1.40
5	Cahangir Həsənzadə	34	-48	-1.41
6	Fərhad Vəliyev	32	-49	-1.53
7	Aleksandr Jidkov	22	-40	-1.82
8	Elxan Həsənov	16	-30	-1.88
9	Dmitri Kramarenko	33	-73	-2.21