Toapz Premyer Liqasının bu həftə keçiriləcək XXXI turunun oyunları öncəsi daha 3 futbolçu cəzalı duruma düşüb. Apasport.az saytının məlumatına görə, ötən tur aldıqları sarı vərəqələr həmin oyunçuların yolunu bağlayıb.

Çempionatın lideri “Qarabağ” “Neftçi” ilə görüşə ciddi itki ilə çıxacaq. Belə ki, Maksim Medvedev 4-cü dəfə sarı vərəqə ilə cəzalandığından oyunu buraxacaq. Maraqlıdı ki, müdafiəçi bütün vərəqələrini mövsümün ikinci hissəsində alıb.

“Simurq” “Sumqayıt”la səfər oyununda kapitanının xidmətindən məhrumdu. Buna İlkin Qırtımovun vərəqə sayını 8-ə çatdırması səbəb olub.

AZAL-ın ispaniyalı müdafiəçisi Xuan Fransisko da komandasına kömək etməyəcək. 4-cü sarı vərəqəsini alan futbolçu “İnter”lə görüşdə iştirak etməyəcək.

Qeyd edək ki, XXX turda istirahət edən “Xəzər Lənkəran”ın 3 üzvü – Rahid Əmirquliyev, Elşən Rzazadə və Alfred Sanko XXIX turda aldıqları vərəqə üzündən qarşıdakı oyunu buraxacaq.

• İlin ən yaxşı məşqçisi seçilib - Qvardiola 3-cü olub
• Joze Mourinyo hakimlik haqda: ”Belə bir şey görməmişəm”
• Arda Turan "Beşiktaş"a keçidi ilə bağlı: “Həmişə Qalatasaray”lı olduğumu söyləmişəm”
• Duşan Tadiç: "Kişi kimi məsuliyyəti boynumuza götürməliyik"
• “Ankaragücü” baş məşqçisi ilə yollarını ayırıb