“Bizim çempionatda spreydən istifadə olunması üzərində işlər gedir”. Bu sözləri apasport.az saytına açıqlamasında AFFA-nın Hakimlər Komitəsinin sədri Xaqani Məmmədov deyib.

Komitə rəhbəri 2014/2015 mövsümün Topaz Premyer Liqasında hakimlərin standart vəziyyətlər zamanı yararlandığı spreydən istifadəsinin mümkün olduğunu bildirib: “Əsas odur ki, AFFA və PFL rəhbərliyi buna razılıq verib. Biz FİFA-ya və UEFA-ya bununla bağlı müraciət etmişik. Amma spreylərin gəlməsi tez bir zamanda mümkün deyil. Bəzən futbol qurumlarına belə şeyləri sifariş edəndə üstündən xeyli vaxt keçdikdən sonra gəlir. Biz istəyirik ki, çempionatın bütün oyunlarında bu üsuldan istifadə edək. Premyer Liqada 180 oyun keçirilir. Hər bir oyunda 1 sprey kifayət edəcək. Bunun üçün çalışırıq. Çox güman ki, növbəti mövsüm bu reallaşacaq”.

Qeyd edək ki, Braziliyada keçirilən dünya çempionatının oyunları zamanı istifadə olunan sprey futbol üçün uğurlu yenilik sayılır. Bəzi ölkələr 2014/15 mövsümündən, avrokuboklarda isə 2015/16 mövsümündən bu addım atılacaq.

• Günün canlı yayımlanacaq matçları - TV AFİŞA
• Neymar ZƏDƏLƏNDİ
• “Qalatasaray” zədəli futbolçuları ilə bağlı açıqlama yayıb
• Acunun komandasında yeni müqavilə - RƏSMİ
• “Fənərbaxça” - “Beşiktaş” matçı bu kanalda - TV AFİŞA