Topaz Premyer Liqasında qapıları səhv salanlar

21.05.2014 - 23:01

Topaz Premyer Liqasının 2013/14 mövsümündə 13 avtoqol qeydə alınıb. Apasport.az saytının məlumatına görə, 8 komandanın futbolçuları qapıları səhv salıb. Yalnız “İnter”lə “Rəvan”ın üzvləri qapıçılarını çaşdırmayıblar.

AZAL hamıdan çox – 3, “Bakı”, “Xəzər Lənkəran” və “Sumqayıt” hərəyə 2 dəfə avtoqola üzülüb. “Neftçi”, “Qəbələ”, “Qarabağ” və “Simurq” azarkeşləri isə 1 dəfə öz oyunçularını vurduğu qola görə qınayıblar.

“Simurq”la “Bakı” avtoqollardan qazananlardır. Onlardan hərəsi 3 belə qola sevinib. İki rəqib oyunçu “Qarabağ”la “İnter”i sevindirib. “Sumqayıt”, “Neftçi” və “Qəbələ”nin hərəsinin 1 qolunu rəqibi vurub. “Rəvan”, “Xəzər Lənkəran” və AZAL isə yalnız öz oyunçuları ilə rəqib qapısına yol tapıb.

IX	04.10.2013	Sumqayıt - İnter	Adil İbrahimov (Sumqayıt)
X	20.10.2013	Sumqayıt - Qarabağ	Anar Nəzirov (Sumqayıt)*
XIII	10.11.2013	Neftçi – Bakı	Erik Ramos (Neftçi)
XVI	08.12.2013	Sumqayıt – Bakı	Mario Alvarez (Bakı)
XVI	08.12.2013	Qəbələ - Simurq	Amit Quluzadə (Qəbələ)
XX	09.02.2014	Xəzər Lənkəran - Neftçi	Tieqo de Xesus (Xəzər Lənkəran)
XXI	15.02.2014	Qarabağ – AZAL	Tural Nərimanov (AZAL)
XXII	19.02.2014	AZAL - Qəbələ	Şəhriyar Rəhimov (AZAL)
XXVII	23.03.2014	AZAL – Bakı	Aylton Jose Junior (AZAL)
XXVIII	29.03.2014	Bakı – Simurq	İdan Vaytsman (Simurq)
XXXI	20.04.2014	Simurq – Qarabağ	Bədavi Hüseynov (Qarabağ)*
XXXI	20.04.2014	Bakı – İnter	Araujo Santos (Bakı)
XXXV	12.05.2014	Simurq - Xəzər Lənkəran	Vanderson Skarduelli (Xəzər Lənkəran)*

“*” işarəsi ilə qeyd olunan avtoqollar hakim tərəfindən başqa futbolçunun adına yazılsa da, sonradan referinin səhvi aradan qaldırılıb. 1-ci halda Muarem Muarem, digər 2 oyunda Draqan Çeranin hesabına yazılan qolla rəsmi protokolda dəyişdirilərək avtoqol kimi yazılıb.