Məşhur türkiyəli futbolçu Tuncay Şanlı “Bursaspor”la yolları ayırıb. Apasport.az-ın xəbərinə görə, bu barədə “ağ-yaşıllar”ın klub prezidenti Ərkan Körüstan məlumat verib.
Klub saytına danışan Körüstan 32 yaşlı hücumçunun müqaviləsini qarşılıqlı olaraq ləğv etdiklərini deyib. O, komanda üçün etdiklərinə görə, Tuncaya təşəkkür edib və gələcək həyatında uğurlar arzulayıb.
Qeyd edək ki, 2002—2010-cu illər ərzində Türkiyə millisində də çıxış edən təcrübəli forvard “Fənərbaxça” (2002—2007), “Stok Siti” (İngiltərə 2009—2011), “Volfsburq” (Almaniya 2011—2012) kimi klubların formasını geyib. 2012-ci ildə “Bursaspor”a keçən Tuncay 2012-2013 mövsümündə Superliqada 27, ölkə kubokunda 4 matça çıxıb. O, cari mövsüm isə 12 çempionat, 2 kubok oyununda meydana çıxıb.
Oxşar xəbərlər
Ana səhifə
Bütün xəbərlər