Çempionlar Liqasının III təsnifat mərhələsində bu gün “Şaxtyor”la (Ukrayna) cavab matçına çıxacaq “Fənərbaxça” ilə bağlı maraqlı yazı hazırlanıb. Apasport.az saytı xəbər verir ki, Türkiyə mətbuatı “sarı-lacivərdlilər”in tarixi ərzində avrokuboklardakı çıxışını araşdırıb.
Avropa arenasında 192-ci matçına çıxacaq “Fənər”in ən böyük uğuru isə Azərbaycan təmsilçisi ilə bağlıdı. Statistik yazıya əsasən, İstanbul klubunun Avrokubokda indiyə qədərki ən böyükhesablı qələbəsində 5:0 hesabı qeydə alınıb. O da 3 komanda üzərində. Belə ki, “Fənərbaxça” 1994/95 mövsümündə UEFA Kubokunun I seçmə mərhələsində Azərbaycan klubu “Turan”, 2006/07 mövsümündə Çempionlar Liqasının II təsnifat mərhələsində “B36 Torshavn” (Farer adaları) və 2008/09 mövsümündə yenə Çempionlar Liqasının II təsnifat mərhələsində MTK (Macarıstan) üzərində 5:0 hesablı qələbə qazanıb.
Türkiyə klubunun tarixi ərzində ən böyükhesablı məğlubiyyəti isə 1975/76 mövsümünə təsadüf edir. Həmin vaxt komanda Çempionlar Kubokunda “Benfika”ya 0:7 hesabı ilə uduzmuşdu.
Qeyd edək ki, “Şaxtyor”la ilk görüşdə qolsuz heç-heçə edən “Fənərbaxça” bu gün Ukraynada cavab qarşılaşmasına çıxacaq.
Oxşar xəbərlər
Ana səhifə
Bütün xəbərlər