UEFA-nın Nəzarət, Etik və İntizam Komitəsi Avropa Liqasının I təsnifat mərhələsi çərçivəsində “Mladost” – “Neftçi” oyunu barədə qərar qəbul edib. Apasport.az-ın “Neftçi”nin rəsmi saytına istinadən məlumatına görə, qitə futbol qurumu paytaxt klubunun iki oyunçusuna ciddi cəza tətbiq edib.

İyulun 9-da Podqoritsa şəhər stadionunda keçirilmiş matçın sonunda hər iki komandanın futbolçuları arasında yaranmış münaqişədə iştiraka görə müdafiəçi Aylton Fereyra və qapıçı Maksim Vaylo cəzalandırılıb. Hər iki futbolçu 3 oyunluq diskvalifikasiyaya məruz qalıb.

Qeyd edək ki, “Neftçi” Monteneqro klubu ilə hər iki oyunda (2:2, 1:1) bərabərə qalmışdı. Səfərdə daha çox qol vurduğu üçün “Mladost” mərhələni adlamışdı.

• Zidan Fransa millisində ilk məşqini keçirdi – Debüt Türkiyəyə qarşı olacaq
• Şeşko yenidən zədələndi – MİLLİNİN DÜŞƏRGƏSİNİ TƏRK ETDİ
• İngiltərə millisində zədə şoku - 5 futbolçu düşərgəni tərk etdi
• “Qalatasaray”dan Okan Burukla bağlı açıqlama
• “Fənərbaxça”nın futbolçusu əməliyyat olunub - 2 ay oynamayacaq