“Mançester Yunayted”n hücumçusu Ueyn Runi 2014-cü ildə İngiltərə millisinin ən yaxşı oyunçusu seçilib. Apasport.az xəbər verir ki, İngiltərə Futbol Assosiasiyasının rəsmi saytında 29 yaşlı futbolçu səslərin 27 %-ini qazanıb.
"Liverpul"un yarımmüdafiəçisi Rahim Sterlinq ikinci, "Arsenal"ın forvard Deniel Uelbek isə üçüncü olub.
Bununla da Runi 2003-cü ildən ənənəvi olaraq keçirilən sorğuda üçüncü dəfə bu mükafata yiyələnən tək futbolçu adını qazanıb. O, daha əvvəl 2008 və 2009 ildə ən yaxşı oyunçu seçilib. Ueynin mükafatlandırılması martın 27-də, AVRO-2016-nın seçmə mərhələsi çərçivəsində Latviya yığması ilə oyunöncəsi baş tutacaq.
Xatırladaq ki, Runi milli komandada 13 matçda forma geyinib və 8 qola imza ataraq, ən yaxşı bombardir olub. Stiven Cerrardın yığmadan gedişindən sonra o, komandanın kapitanı təyin edilib. Ueyn noyabrda millidə 100-cü yubiley matçına çıxıb.
Qeyd edək ki, İngiltərədə ən gənc futbolçu (21 yaş) “Vest Braomviç”in oyunçusu Saido Beraino seçilib. O, səsvermədə “Tottenhem”in hücumçusu Harri Keynanı qabaqlayıb.
Oxşar xəbərlər
Ana səhifə
Bütün xəbərlər