Uruqvay Futbol Federasiyası FİFA-nın Luis Suareslə bağlı qərarından şikayət verməyə hazırlaşır. Apasport.az saytının məlumatına görə, bu xəbəri qurumun prezidenti Valmar Valdes də təsdiq edib.

Xatırladaq ki, Suares İtaliya millisinin müdafiəçisi Corco Kellininin çiynindən dişlədiyi üçün FİFA tərəfindən 9 oyunluq diskvalifikasiya edilib, 4 aylıq futbola bağlı bütün proseslərdən kənarlaşdırılıb, 100 min İsveçrə frankı cərimə olunub.

Valdes şikayət vermək üçün 3 gün vaxtlarının olduğunu vurğulayıb: “Bu, həddən artıq sərt cəzadır. Mən son zamanlar bundan da ciddi insidentlər görmüşəm. Biz hamımız bilirik ki, Suares Uruqvay millisi və dünya futbolu üçün nə deməkdir. Suares kimi futbolçunun itirilməsi istənilən komanda üçün fəlakətdir”.

• Mahirin komanda yoldaşı karyerasını İngiltərədə davam etdirə bilər
• Dünən gəldi, bu gün zədələndi: Türk klubunda şanssızlıq
• Braziliyalı mövsümü erkən başa vurdu
• “Fənərbaxça” Talişkadan imtina etdi - səbəb
• FİFA-dan La Liqa klublarına qadağa