Azərbaycan millisinin rəqibi ABŞ yığması yoldaşlıq oyunu keçirib. Apasport.az saytının məlumatına görə, mayın 27-də komandamızı sınağa çəkəcək şimali amerikalılar az əvvəl başa çatan görüşdə Meksika ilə qarşılaşıblar.
Yurgen Klinsmannın yetirmələri Finiksdə keçirilən matçın ilk hissəsində 2 qol vursa da, üstünlüyünü qoruya bilməyib və qarşılaşma 2:2 hesabı ilə başa çatıb. Belə ki, 15-ci dəqiqədə Maykl Bredli, 28-ci dəqiqədə isə Kris Vondolovski meksikalıları məyus edib. Lakin meksikalılar fasilədən sonra bərabərliyə nail olublar. 49-cu dəqiqədə “Barselona”dakı çıxışları ilə tanınan Rafael Markes, 67-ci dəqiqədə isə Alan Pulido fərqlənib.
Qeyd edək ki, Azərbaycan millisinin baş məşqçisi Berti Foqts ABŞ yığmasında müşavir vəzifəsinə təyin olunub. Almaniyalının işi dünya çempionatının final mərhələsi zamanı rəqibləri izləmək olacaq.
Oxşar xəbərlər
Ana səhifə
Bütün xəbərlər