“Yuventus” yayda heyətinə yeni hücumçu cəlb edə bilər.

Apasport.az saytı xəbər verir ki, Turin təmsilçisi Duşan Vlahoviç klubdan ayrılacağı təqdirdə onun yerini Canluka Skamakka ilə dolduracaq.

İngiltərədə “Vest Hem” forması geyinən 24 yaşlı italiyalı forvard vətəninə geri dönməyin əleyhinə deyil. London klubundakı karyerasından narazı olan Çanluka Apennin yarımadasından gələn təklifləri dəyərləndirməyi planlaşdırır. 

Qeyd edək ki, Skamakka bu mövsüm “Vest Hem”də 27 matça çıxıb və 8 dəfə rəqib qapısına yol tapıb.