Fransız mütəxəssis Zinəddin Zidan Almaniyanın top klubunda iş tapa bilər. 

Apasport.az xəbər verir ki, "Bavariya" "Real"ın sabiq baş məşqçisi ilə müqavilə imzalamaqda maraqlıdır. Zidanı Münhen nəhəngləri üçün işləmək fürsəti cəlb edir. 51 yaşlı çalışdırıcı "Bavariya"da uğur qazana biləcəyinə inanır. 

Xatırladaq ki, Zidan 2021-ci ildən məşqçi kimi fəaliyyət göstərmir. 

Qeyd edək ki, hazırda "Bavariya"nın baş məşqçisi Tomas Tuxeldir. Məşqçi mövsümün sonunda klubu tərk edəcəyini açıqlamışdı.