Milli komandaların oyunları ilə əlaqədar Topaz Premyer Liqasında yaranan fasilədən istifadə edən klublar yoxlama oyununda qüvvəsini sınayacaq. Apasport.az saytının məlumatına görə, Bakı klubları “İnter”lə “Zirə” noyabrın 15-də üz-üzə gələcəklər.

Turnir cədvəlində qonşu olan paytaxt təmsilçilərinin görüşü “İnter Arena”da keçiriləcək. Bu oyun saat 16:00-da başlayacaq.

Qeyd edək ki, “İnter”lə “Zirə” arasında Premyer Liqada baş tutan hər iki oyun qolsuz heç-heçə ilə nəticələnib.