Kişi voleybolçular arasında Azərbaycan çempionatında II dövrəsinə yekun vurulub. Apasport.az saytının məlumatına görə, bu gün keçirilən X tur gözlənilməz nəticə ilə yadda qalıb.

Belə ki, ilk 9 oyunda cəmi 2 hissədə uduzan “Neftçi” bu dəfə məğlubiyyətə üzülüb. “Ağ-qaralar” I dövrədə tay-brekdə qalib gəldikləri “Lokomotiv”lə bacarmayıblar – 2:3. Bununla da çempionatda uduzmayan komanda qalmayıb.

Turun digər matçında “Naxçıvan”a qalib gələn MOİK 3-cü pillədəki yerini möhkəmlədib. “Nəqliyyatçı” da “Sumqayıt”ı məğlub etməklə ən yaxın izləyicisini 8 xal geridə qoyub.

X tur

“Sumqayıt” – “Nəqliyyatçı” – 0:3 (23:28; 14:25; 21:25)

“Lokomotiv” – “Neftçi” – 3:2 (23:25; 21:25, 25:21; 25:28; 15:13)

“Naxçıvan” – MOİK – 0:3 (15:25; 18:25; 20:25)