Ukrayna Premyer Liqasında XIX turun oyunları davam edir. Apasport.az saytının məlumatına görə, azərbaycanlı futbolçu Dmitri Nağıyevin formasını geyindiyi “Dnepr” növbəti matçını keçirib.

Dnepropetrovsklılar “Jirka” ilə qarşılaşıblar. Görüş 1:1 hesablı bərabərliklə başa çatıb.

Təmsilçimiz start heyətində başladığı oyunda 90 dəqiqə meydanda olub.

Qeyd edək ki, 19 oyundan sonra aktivində 7 xal olan “Dnepr” turnir cədvəlinin 11-ci pilləsində qərarlaşıb.