Azərbaycan klubları avrokubokların cari mövsümündə 10-cu qolunu buraxıb. Apasport.az saytının məlumatına görə, yubiley topunu “Qəbələ” buraxıb.

Avropa Liqasının III təsnifat mərhələsinin ilk oyununda Yunanıstan “Panatinaikos”u ilə qarşılaşan “qırmızı-qaralar”ın 0:1 hesablı məğlubiyyəti ilə buraxılan qol sayı 10-a çatıb. Həmin qolu penaltidən Gilyerme Molins vurub.

Bu qollardan yalnız ikisi “Qəbələ”nin qapısına vurulubsa, “İnter”lə “Zirə” daha çox – hərəyə 4 top buraxıb. “Qarabağ” cari mövsümdə qol buraxmayan yeganə komandamızdı.

Qeyd edək ki, mövsümün 14 qarşılaşmasında 8 qələbə qazanıb, 3 heç-heçə və eyni sayda məğlubiyyəti olan təmsilçilərimiz 21 qol vurub.