Bakı. Vüqar Xeyrullayev - APA-Sport. Bolqarıstanın “Çerno More” klubunun yarımmüdafiəçisi Konstantin Mirçev karyerasını Azərbaycanda davam etdirmək istəyir. “APA-Sport” agentliyinin məlumatına görə, 29 yaşlı futbolçu yenidən sabiq komanda yoldaşı Aleksandar Tomaşla bir klubda çıxış edə bilər. Bolqarıstan mətbuatı “Çerno More”dən ayrılan yarımmüdafiəçinin məhz bu varianta üstünlük verəcəyini yazıb. Bir müddət əvvəl “Bakı”nın transfer etdiyi A.Tomaşla çox yaxın münasibətləri olan, MOİK və “Çerno More”də çıxış edən futbolçu açıqlamasında komandasını öz istəyi ilə tərk etdiyini bildirib.