Bakı - APA-Sport. “Fikrimcə, Türkiyə yığmasında heyətlə bağlı ciddi problem yoxdur”. “APA-Sport”un məlumatına görə, bu sözləri dünya çempionatının seçmə mərhələsi çərçivəsində sabah Türkiyə ilə qarşılaşacaq Bosniya və Herseqovina yığmasının baş məşqçisi Miroslav Blajeviç söyləyib.
1998-ci ildə Xorvatiyaya dünya çempionatının bürünc medalını qazandıran 73 yaşlı mütəxəssis Türkiyəni oyunun favoriti adlandırıb: “Bu komandanın Avropa çempionatında Xorvatiyanı necə məğlub etdiyini hamımız görmüşük. Türkiyə çox güclü kollektivdir. Matçın favoriti də onlardır. Amma Türkiyənin ən güclü ismi Fatih Terimdir”.